Алматыда 6 мамырдан бастап қалалық автобустардың төрт бағыты жол жөндеу жұмыстарына байланысты уақытша өзгертілді. Шектеулер жөндеу аяқталғанша сақталады, деп хабарлайды Almaty.news ақпарат агенттігі.
Жамақаев көшесінің Әзербаев көшесінен Әл-Фараби даңғылына дейінгі учаскесінде орташа жөндеу жүргізілетіндіктен, №70 және №124 маршруттарының бағдары өзгереді. Айналма жол 6 мамырдан бастап жөндеу жұмыстары аяқталғанға дейін қолданылады.
Екі бағыт оңтүстік бағытта Сейфуллин даңғылымен жүріп, айналмада бұрылып, одан әрі Әл-Фараби даңғылы, Назарбаев даңғылы, Қажымұқан, Искендеров, Әзербаев және Нұрлыбаев көшелерімен өтіп, әдеттегі бағдарына шығады. Кері бағытта қозғалыс сол көшелермен кері ретпен ұйымдастырылады.
Сонымен қатар, Абыз көшесіндегі жөндеуге байланысты №105 және №122 маршруттары да өзгереді. №105 автобусы солтүстік бағытта «Приканальная көшесі» соңғы аялдамасына дейін жүреді. Кері бағытта жөнделіп жатқан Абыз көшесіне кірмей, Приканальная көшесімен әдеттегі схема бойынша қозғалады.
№122 маршруты оңтүстік бағытта Аруана көшесімен батысқа бұрылып, «№196 мектеп» соңғы аялдамасына дейін барады. Кері қозғалыс сол нүктеден Аруана көшесімен негізгі бағытқа шығу арқылы ұйымдастырылады.
Қала тұрғындары мен қонақтары сапарларын жоспарлау кезінде уақытша өзгерістерді ескерулері сұралады.
Дереккөз: Inalmaty.kz