Алматыда Жеңіс күніне орай Ұлы Отан соғысы ардагерлері мен оларға теңестірілген азаматтарға біржолғы әлеуметтік көмек төленді, деп хабарлайды Almaty.news ақпарат агенттігі. Қалалық әкімдіктің баспасөз қызметінің мәліметінше, 15 ҰОС ардагері 5 миллион теңгеден алды.
Сондай-ақ 1969 жылы Даманский аралы мен Жалаңашкөл көліндегі ұрыс қимылдарына қатысқан 17 адамға 200 мың теңгеден төленді. ҰОС ардагерлеріне теңестірілген 1 353 адам, шет елдердегі ұрыс қимылдарының 2 955 ардагері және соғыс жылдарында еңбегі үшін орден-медальдармен марапатталған 4 713 тыл еңбеккері 100 мың теңгеден алды.
Бұдан бөлек, қайтыс болған ҰОС ардагерлерінің 191 жесіріне 50 мың теңгеден жіберілді.
Дереккөз: Inalmaty.kz