25 және 26 сәуірде Алматыда көптеген қызықты мәдени және ойын-сауық шаралары өтеді, деп хабарлайды Almaty.news ақпарат агенттігі.
Қонаев қаласында осы демалыс күндері AURA FEST 2026 музыкалық фестивалі өтеді. 25-26 сәуірде ашық аспан астындағы сахнада әлемдік жұлдыздар ARTBAT, W&W және Pendulum, сондай-ақ «Ирина Кайратовна» тобы өнер көрсетеді. Ұйымдастырушылар трансфер ұйымдастырған, автобустар Halyk Arena-дан жүреді.
25 сәуірде сағат 20:00-де Halyk Arena-да танымал әнші, ВИА Гра тобының бұрынғы мүшесі Светлана Лобода жеке концерт береді.
Almaty Arena-да 26 сәуірде сағат 19:00-де Mahabbat Fest романтикалық музыка фестивалі өтеді.
Ресей театр және кино актері Сергей Маковецкийдің «Неслучайная встреча» моноспектаклі 25 сәуірде сағат 19:00-де Almaty Theatre-де қойылады.
Мартин Макдонахтың «Человек-подушка» спектаклі 26 сәуірде сағат 18:00-де Республикалық академиялық неміс драма театры сахнасында өтеді.
«Бременские музыканты» ертегісі 25 және 26 сәуірде сағат 11:00-де Мемлекеттік қуыршақ театрында көрсетіледі.
Қала кинотеатрларында жаңа премьералар жалғасуда.
Орталық стадионда 26 сәуірде сағат 18:00-де футбол чемпионатының көшбасшы екі командасы кездеседі: Алматының «Қайраты» мен Семейдің «Елімайы».
Дереккөз: Inform.kz