Алматыдағы №83 гимназияда «Шабыт» девизімен өткен шығармашылық концерт ұлттық музыка мен жаңа технологияларды біріктірді. Іс-шара барысында оқушылар ән айтып, би билеп, қолөнер көрмесін ұсынды, ал кештің ерекше сәті жасанды интеллект көмегімен жасалған гимназия әнінің тұсаукесері болды, деп хабарлайды Almaty.news ақпарат агенттігі.
Сарай фойесінде бейнелеу өнері бөлімшесінің оқушыларының жұмыстары қойылды. Қонақтардың назарын шәкірттер мен олардың жетекшілерінің жеке көрмелері ерекше аударды.
«Біз „Қара жорға“ биін ұсынамыз. Бұл биге біз бір айға жуық дайындалдық. Бүгінгі күн біз үшін өте жақсы өтеді деп ойлаймын», — деді №83 гимназияның оқушысы Адия Жәнібек.
Сахнада «Шабыт» қазақ халық аспаптар оркестрі, «Балауса», «Этно-фьюжн», «Тұмар» қобызшылар ансамбльдері, «Балдаурен» және «Көкек» хор ұжымдары өнер көрсетті. Оқушылар қазақстандық және шетелдік композиторлардың туындыларын халықтық, этникалық және заманауи өңдеуде орындады.
«Бүкіл концерттік бағдарлама блоктарға бөлінген. Бірінші блок — ұлттық, екіншісі — балалық шақ, үшіншісі — эстрадалық өнер шеберлігі, одан кейін халықтар музыкасы, классикалық музыка. Ең бастысы — бізде үнемі ұрпақтар сабақтастығы желісі пысықталады. Оқушылар ғана емес, олармен қатар біздің педагогтар да ойнайды», — деді №83 гимназияның өнер пәндері бойынша бейінді бөлім директорының орынбасары Наталья Солодникова.
Дереккөз: Almaty.tv