Алматы қаласының Адам репродукциясы орталығында гинекологиялық хирургия бойынша халықаралық мастер-класс өтті, деп хабарлайды Almaty.news ақпарат агенттігі.
Оқиға туралы қаланың Қоғамдық денсаулық сақтау басқармасы хабарлады. Бағдарламаға теориялық сессиялар, клиникалық жағдайларды талдау және заманауи әдістерді тәжірибелік көрсету кірді.
Қатысушылар емдеудің өзекті тәсілдерін талқылап, кәсіби тәжірибелермен алмасты. Сарапшы ретінде елдің жетекші акушер-гинекологтары қатысты.
Мастер-классқа Қазақстанның өңірлерінен, сондай-ақ Өзбекстан, Түркіменстан және Ресейден 250-ден астам дәрігер қатысты.
Екі күн ішінде тәжірибелік бөлім аясында заманауи эндоскопиялық технологияларды қолданып 14 операция орындалды.
Мұндай іс-шараларды өткізу медициналық мамандардың біліктілігін арттырып, денсаулық сақтау жүйесіне заманауи емдеу әдістерін енгізуге ықпал етеді.
Дереккөз: Almaty.tv