21 маусымда Қостанай, Алматы, Талдықорған қалаларында, ал түнде Теміртау мен Қарағанды қалаларында қолайсыз метеорологиялық жағдайлар күтіледі, деп хабарлайды «Қазгидромет», деп хабарлайды Almaty.news ақпарат агенттігі.
Қолайсыз метеорологиялық жағдайлар (ҚМЖ) – бұл атмосфераның жерге жақын қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тымық, әлсіз жел, тұман, инверсия) жиынтығы.
ҚМЖ кезінде қала тұрғындарына ашық ауада, әсіресе автокөлік жолдарының немесе басқа да ластану көздерінің жанында болу уақытын қысқарту ұсынылады. Ал өкпенің созылмалы ауруларымен, жүрек-қан тамырлары және аллергиялық аурулармен ауыратын адамдар ашық ауада болған кезде қажетті дәрі-дәрмектерді өзімен бірге алып жүруі керек.
Сондай-ақ Қазақстанның 16 облысында жексенбіге дауылды ескерту жарияланды.
Дереккөз: Zakon.kz