Алматы полицейлері оңтүстік астананың ойын-сауық мекемелеріне рейдтер жүргізіп, кәмелетке толмағандардың кіруіне жол берілмейтінін тексерді, деп хабарлайды Almaty.news ақпарат агенттігі.
Алматы полиция департаментінің баспасөз қызметінің мәліметінше, қоғамдық қауіпсіздік бөлімшелерінің қызметкерлері аудандық полиция басқармаларымен бірлесіп, қаладағы ойын-сауық мекемелеріне мақсатты тексерулер жүргізді.
«Назар аударылатын мәселе – кәмелетке толмағандардың қауіпсіздігі. Бір түннің ішінде жасөспірімдердің заңды өкілдерінің ертіп жүруінсіз түнгі уақытта ойын-сауық мекемелерінде болуының бес фактісі анықталды. Сонымен қатар, қараусыз қалған кәмелетке толмағандарды анықтау бойынша ауқымды жұмыс жүргізілді», – делінген ведомство хабарламасында.
Бір түнде балалардың ересектердің бақылауынсыз үйден тыс жерде болуының 80 фактісінің жолы кесілді.
«Балалардың қауіпсіздігі мен бос уақыты үшін жауапкершілік ең алдымен ата-аналар мен заңды өкілдерге жүктеледі. Балаларыңызды қорғаңыз. Олардың уақытын кіммен және қайда өткізетінін бақылаңыз», – деп ескертті полиция.
Дереккөз: Nur.kz