Алматыдағы ірі сауда орталығының жер асты қоймасында жүк көлігі ер адамды басып кетіп, қаза тапты. Алдын ала мәлімет бойынша, қоймаға кіріп келе жатқан ГАЗель автокөлігі 1980 жылы туған ер адамды қағып, бірнеше метрге сүйреген, деп хабарлайды Almaty.news ақпарат агенттігі.
Жарақат алған адам жедел жәрдем келгенге дейін оқиға орнында қайтыс болды.
Жол-көлік оқиғасының нақты мән-жайын полиция қызметкерлері анықтап жатыр. Редакция Алматы қалалық Полиция департаментіне түсініктеме алу үшін жүгінді.
2026 жылғы 10 маусымда Алматы тауларында жас жігіт квадроциклде апатқа ұшырап, қаза тапты.
Дереккөз: Zakon.kz