Алматыда жаз мезгілінде дәстүрлі түрде балалардың сауықтыру лагерлері жұмыс істейді. Балалардың демалысы маусым–тамыз айларында өтеді, жолдамалар білім беру ұйымдары арқылы бөлінеді, деп хабарлайды Almaty.news ақпарат агенттігі.
Алматы әкімдігінің мәліметінше, тегін жолдамаларға (жеңілдіктерге) келесі санаттағы балалардың құқығы бар:
- аз қамтылған отбасылардың балалары;
- жетім балалар және ата-анасының қамқорлығынсыз қалған балалар;
- ерекше білім беру қажеттіліктері бар балалар.
Балалардың тізімдерін мектептер мен аудандық білім бөлімдері растайтын құжаттар негізінде қалыптастырады.
Жолдама алу үшін ата-аналар алдымен баласы оқитын мектепке жүгінуі керек. Өтініш сынып жетекшісі немесе мектеп әкімшілігі арқылы қабылданады. Мектеп қажетті ақпаратты береді және тиісті тізімді қалыптастырады.
Егер бала мектеп тізіміне енгізілмесе, ата-аналар тұрғылықты жері бойынша аудандық білім бөліміне жүгіне алады.
Жолдаманы ресімдеу үшін келесі құжаттар қажет:
- ата-ананың немесе заңды өкілдің өтініші;
- баланың туу туралы куәлігінің көшірмесі;
- жеңілдік санатын растайтын құжаттар (бар болса);
- баланың денсаулық жағдайы туралы медициналық анықтама.
Жазғы демалысқа арналған тізімдер алдын ала, негізінен көктемде қалыптастырылады. Лагерлер жаз айларында ұйымдастырылады. Бала тізімге енгізілгеннен кейін мектеп демалыс орны мен келу күні туралы ақпарат береді.
Әкімдікте орындар саны шектеулі екенін, сондықтан өтініштерді алдын ала беру ұсынылатынын атап өтті. Негізгі тізімде орын болмаған жағдайда, қосымша жолдамалар туралы ақпаратты нақтылауға немесе ақылы демалыс нұсқаларын қарастыруға болады.
Бұған дейін алматылық зейнеткерлердің санаторийге жолдаманы қалай ала алатыны хабарланған болатын.
Дереккөз: Inform.kz