Алматыда жүк тасымалын бақылау күшейтіліп жатыр. Полиция қызметкерлері рейдтер өткізіп, көшелерді ластайтын және жол қозғалысы қауіпсіздігіне қауіп төндіретін бұзушылықтарды анықтауда, деп хабарлайды Almaty.news ақпарат агенттігі.
Алматыда жүк тасымалы ережелерінің сақталуына тұрақты негізде тексерулер жүргізілуде. Рейдтік іс-шаралар «Таза Қазақстан» республикалық акциясы және «Заң және тәртіп» қағидатын іске асыру аясында ұйымдастырылған.
Полиция қызметкерлері ерекше назарды жабынсыз, сенімсіз бекітілген немесе материалдардың төгілуіне және жолға кір шығаруға жол беретін жүк көліктеріне аударады. Ведомство мұндай бұзушылықтар қаланың санитарлық жағдайын нашарлатып қана қоймай, апаттық жағдайларға әкелуі мүмкін екенін атап өтеді.
Жыл басынан бері Алматыда абаттандыру ережелерінің 819 бұзушылығының жолы кесілген. Тексерулер мегаполистің барлық аудандарында жүргізіліп, жалғасады.
«Біз жүк көлігі жабынсыз немесе тасымалдау ережелерін бұза отырып қозғалатын жағдайларды тіркейміз, бұл жол төсемінің ластануына әкеледі. Мұндай бұзушылықтарға жол берілмейді», — деп атап өтті Алматы ПД қоғамдық қауіпсіздік басқармасының бастығы Тимур Ноғайбаев.
Оның айтуынша, полицияның міндеті — бұзушыларды анықтау ғана емес, сонымен қатар жүк тасымалы ережелерін сақтауға және қалада тазалықты ұстауға жауапкершілікпен қарауды қалыптастыру.
Дереккөз: Nur.kz