Жазда жоғары температураға байланысты тағамдар тез бұзылып, тамақтан улану қаупі артады. Мамандар демалыс, сапар және пикник кезінде денсаулықты сақтауға көмектесетін негізгі қауіпсіздік ережелерін еске салады, деп хабарлайды Almaty.news ақпарат агенттігі мегаполис ДСЭК-не сілтеме жасап.
Жаз — демалыс, сапар және табиғатта демалу маусымы, алайда дәл осы кезеңде тамақтан улану қаупі артады. Ауаның жоғары температурасы бактериялардың тез көбеюіне және тағамдардың бұзылуына ықпал етеді.
Мамандар тағамдарды тек ресми сауда орындарынан сатып алуды, жарамдылық мерзіміне, сақтау шарттарына және қаптаманың тұтастығына назар аударуды ұсынады. Ет, сүт өнімдері, салаттар және кремді кондитерлік бұйымдарды сатып алуда ерекше сақтық таныту қажет.
Табиғатта демалу кезінде тамақ дайындау ережелерін қатаң сақтау маңызды. Ет пен құс еті жеткілікті термиялық өңдеуден өтуі керек, дайын тағамдарды шикі өнімдерден бөлек сақтау қажет.
Көкөністер мен жемістерді тұтынар алдында мұқият жуу керек, ал ішу үшін тек қауіпсіз суды пайдалану керек. Алдын алудың маңызды факторы — жеке гигиенаны сақтау, яғни тамақ дайындау және ішер алдында қолды сабынмен жуу.
Улану белгілері — жүрек айну, құсу, іштің ауыруы, диарея немесе температура көтерілсе, дереу медициналық көмекке жүгіну қажет.
Осы қарапайым ережелерді сақтау тамақтан улану қаупін азайтуға және жазғы демалысты қауіпсіз етуге көмектеседі.
Дереккөз: Inalmaty.kz