Халықаралық WIBA Awards 2026 сыйлығының «Әлемнің үздік тревел-блогері» аталымының иегері Дастан Мұхамедрахим (ByDastann) Алматыны әлемдік туристік картада ілгерілетуді жалғастыруда. Оның шақыруымен қалаға иордандық режиссер-документалист әрі YouTube-креатор Джо Хаттаб (Joe Hattab) және американдық тревел-блогер Джошуа Платильеро (Mega American) келді, деп хабарлайды Almaty.news ақпарат агенттігі.
Қонақтарды Алматы туризм басқармасының өкілдері қарсы алып, қаланың туристік әлеуетімен таныстырды. Сапар бағдарламасына Шымбұлақ тау курорты мен басқа да танымал орындарға бару кіреді.
Джо Хаттаб – халықаралық тревел-документалист және саяхат туралы кинематографиялық фильмдердің авторы. Оның YouTube-арнасына 20 миллионнан астам адам жазылған, ал контенті мәдениеттерді терең зерттеуімен және көрнекі берілуімен ерекшеленеді.
Джошуа Платильеро (Mega American) – американдық тревел-креатор, ол бүкіл әлем бойынша табиғи және туристік орындар туралы контент жасайды. Оның аудиториясы TikTok пен Instagram-да миллиондаған адамды қамтиды, ал жұмыстары әсерлі визуалды эстетикасымен танымал.
Сапар аясында блогерлер ByDastann-мен бірлесіп, Алматының туристік мүмкіндіктеріне арналған түсірілімдер жүргізеді.
Халықаралық креаторлардың келуі Алматыны заманауи туристік бағыт ретінде орнықтырып, қалаға жаһандық цифрлық платформаларда қызығушылықты арттырады.
Дереккөз: Almaty.tv